Tempus está rexistrada como Entidade de Acción Voluntaria no Rexistro de Voluntariado Galego e as persoas voluntarias prestan unha axuda valiosísima ao equipo técnico da entidade.
O voluntariado, tal e como se recolle na Lei 10/2011, do 28 de novembro , de acción voluntaria, ten que ser sempre unha decisión libre que toma unha persoa, executada fóra do ámbito laboral e sen outra contraprestación que a satisfacción persoal de construír unha sociedade máis inclusiva e ambientalmente sostible.
As actividades de voluntariado comezarán coa firma dun compromiso de colaboración entre o representante legal da entidade e a persoa voluntaria. Ademais, as entidades de acción voluntaria deberán subscribir unha póliza de seguros de accidentes e responsabilidade civil que cubra ás persoas voluntarias durante o transcurso da actividade.
Todas as persoas voluntarias teñen dereito a que a Dirección Xeral de Xuventude da Xunta de Galicia lles emita un certificado de experiencia voluntaria que reflectirá as accións voluntarias desenvolvidas por elas a nivel mundial, en todas as entidades de acción voluntaria (como Tempus) nas que colaboraron e tamén en todos os programas de voluntariado desenvolvidos pola Administración Autónoma na que participasen.
Os programas nos que podes colaborar con Tempus a través do Voluntariado son os seguintes
- Programa de Lecer para persoas adultas (maiores de 18 anos) con discapacidade intelectual.
- Programa de Conciliación da Vida Familiar e laboral: Concilia no Muíño de Pedroso (nenas e nenos de entre 3 e 14 anos).
- Campamentos de aventura na Natureza (idades de 7 a 17 anos).
Se queres máis información acerca do Voluntariado Galego, infórmate aquí