Visión xeral
Os intercambios xuvenís permiten a grupos de mozos de distintos países reunirse, convivir e traballar en proxectos comúns durante períodos breves.
No marco destes intercambios, que teñen lugar fóra do ámbito escolar, adóitase participar en iniciativas como talleres, exercicios, debates, xogos de rol, actividades ao aire libre e moito máis.
As experiencias de aprendizaxe de cada participante recoñécense a través dun Youthpass.
Duración
Os intercambios xuvenís duran entre 5 e 21 días, sen contar o tempo da viaxe.
Condicións
Poden participar mozas de entre 13 e 30 anos. Para ser líder ou xefe de grupo nun intercambio xuvenil hai que ter como mínimo 18 anos.
Últimos intercambios xuvenís concedidos a Tempus:
- I´m different just like you. 2017-3-ES02-KA105-010703 (España, Portugal y Chipre). Todas as persoas somos diferentes. Este proxecto traballa a perspectiva de percibir a diversidade como riqueza dentro dun grupo ou unha sociedade. Busca erradicar os estereotipos con que se visibiliza este colectivo e promover a plena inclusión social do mesmo.
- Integrarte. 2017-1-ES02-KA105-009625 (España, Portugal e Xeorxia). Deseñado para que os grupos de mozos con discapacidade intelectual participantes, expresen as súas reivindicacións sociais e a súa necesidade de recoñecemento como cidadás e cidadáns de pleno dereito, a través da arte como linguaxe universal capaz de plasmar calquera reivindicación social.
- Body Diversity. 2019-1-ES02-KA105-012719 (mozos de España, Lituania e Bulgaria). Proxecto deseñado para fomentar a autonomía, empoderamento e inclusión social das persoas mozas con discapacidade intelectual a través da desmitificación e erradicación dos estereotipos de sexo e xénero que rodean a este colectivo, a sobreprotección da contorna cara ás súas relacións sexuais ou de parella e a necesidade dunha educación sexual para todas as persoas con ou sen discapacidade intelectual.
- Natura entrepreneurship: Healthy environment and Healthy life. 2020-1-ES02-KA105-015056 (España, Italia e Grecia). Para mozos con discapacidade intelectual co obxectivo de promover hábitos de vida saudable loitar
Contra a cronicidade da dependencia realizando un bosquexo de proxecto de emprendemento e desenvolvemento rural, baseado no desenvolvemento sostible, o turismo activo, as actividades no medio natural, a agricultura sostible, as actividades de coñecemento e difusión do patrimonio natural, as actividades artísticas e artesanais con materiais reutilizados e reciclados.
- In their shoes. 2020-3-ES02-KA105-016593 (adolescentes de España, Eslovaquia, Italia e Croacia). Con este proxecto pretendemos achegar a adolescentes dos países participantes, a realidade que viven as persoas refuxiadas e/o inmigrantes ilegais, desde a saída do seu territorio ata a chegada ao país de destino, coñecer as razóns da huída e emigración forzada e poñernos “nos seus zapatos”. O noso obxectivo é fomentar a conciencia crítica sobre os estereotipos racistas, cara a outras culturas, etnias ou relixións diferentes, creando un espazo de entendemento intercultural.
Tes entre 13 e 30 anos e gustaríache participar nun proxecto Erasmus+ como os anteriores, aquí en Galicia ou noutro país europeo?
Pídenos información en erasmus.tempus@gmail.com e enviarémosche as nosas convocatorias Erasmus+!!